對一個不會怎麼上cafe 的人來說，呢個絕對絕對是少數我光顧後會想比個好評餐廳，當初係因為佢個熊仔主題而上黎朝聖嘅我，估唔到會比佢嘅食物迷住~~
首先，佢竟然有網址呀!!!~
呢日因為慶祝生日的關係，預先訂好左位，所以唔駛等好耐就有位喇~~~
Cafe 入面座位唔多，又唔係太逼，所以都坐得幾舒服 =^_^=，唔止呀，旁邊仲放左好多毛公仔可以陪我玩.... Um... 我估應該好多Cafe 都有......
 |
| cafe 入面有好多公仔可以同我玩呀!!! |
第一道上枱嘅係用熊仔碗裝嘅無添加雜菜湯，同佢個名一樣，個湯真係無落味精(我對味精異常敏感，若果落太多，應用出門口已經開始灌緊水)，呢個有點清淡，但換個角度講，真係好有家的感覺~~~
 |
| 無添加雜菜湯 |
然後要介紹呢個呢個主菜，我地食嘅係伋煎蛋下的焗豬頸肉，配上甜甜地嘅醬汁，唔太鹹，又好惹味~ 可樂餅熊熊炸得好香口，薯仔沙律熊又好甜好清新，呢個簡直好味到我唔捨得食，仲有旁邊兩個腸仔八爪魚，絕對謀殺左我張記憶卡唔少位置~~~ 另上的咖哩汁雖然唔夠蓋住成個飯，但加上焗肉剛剛好....
店員好細心咁清走哂枱面上嘅野，響主菜上場之後比好多時間我地慢慢影相，同埋同埋..... 我地黎食呢日仲會送一張即影即有嘅相，Really Good!!!
 |
| 是日精選焗肉，加可樂餅，加二人份日式咖哩飯，再加沙律 |
之後到餐飲，記憶中大部分都要加少少錢，個人覺得奶類飲品比較襯托得到上面隻熊仔，熊仔雪米磁要加$8 先有，不過呢隻熊仔咁好心機咁加工過，影相起上黎效果都唔差.....
 |
| 薄荷朱古力 |
最後呢個係法式西多士配肉桂蘋果，對我呢個甜品怪黎講呢個有少少唔夠甜，浸過肉桂糖水的蘋果好香，亦唔太甜，多士可能薄左少少，但若果唔係會食到好甜嘅人黎講應該唔差...
 |
| 法式西多士配肉桂蘋果 |
另外，同其他Cafe 一樣，入面有d 遊戲可以比你借黎玩，類似大富翁果類.... 新近上佢地網頁，仲見到新增左另一個餐，大家可以去試下~
呢個Cafe 仲有搞日文course 同其他活動，大家可以上佢地網頁望下~~
沒有留言:
張貼留言