[珠海] 龍水山大長今

因為全個下午都係響度行，唔願去太遠食，所以就搭車去返酒店附近個廣場食.... 重點係.... 漁女附近個巴士站有車直去!!!

一入座有店家的紙巾，上面有地圖

還有地址

簡單的看看餐單..... 烤肉還不是太貴.... 要補一句..... 烤豬肉

還有石鍋飯

這個.... 這個碗很有丐幫的味道，哈哈!

先來的前菜，我最愛前面這些菇，很"可口"，很有下酒菜的感覺

這個好像是海鮮炒飯，很香，離遠也聞得到，所以往後看會見到它被神速消滅了

烤豬頸肉，天氣太熱的關係，沒有自己去烤肉，還是麻煩了店家幫我們事先烤好的，因而這邊的冷氣都不強，這點真是讚的。

烤好了的肉還是很多汁，不乾，但..... 放久了有點難吃，很油膩.... 夾了菜可能會好一點吧....

烤肉還配了些生菜和醬料

配白飯的牛排湯，味道比雪濃湯稍為濃一點，但還是很清甜

整個晚餐大約200 元，珠海來說其實有點貴。

最尾加一句，感覺上還是下了點點味精，猛喝水.....

[珠海] 中邦藝術酒店 Zobon Art Hotel

到中國旅遊，我還是不敢選太便宜的酒店，始終有感國內真的是一分錢半分貨的，所以還是選一間"性價比"高一點的…

先送上我找得到的酒店網址.....

>>中邦藝術酒店網址<<

地理位置

位於情侶中路的中邦藝術酒店，距離九洲港只有幾分鐘的車程，搭的士真係錶都唔駛跳。鄰近海邊，所以與珠海主要景點十分接近，即使坐的士都完全不覺得貴。

可用語言:

英文，廣東話，普通話....

附款方式:
因為可以於網上訂房的關係，所以可以用信用卡附款

提早CHECK IN:
跟一般酒店一樣，可以預先CHECK IN，寄存行李後再在酒店列出的CHECK IN 時間後回來取房卡。

早餐:
中西式自助早餐，款式不多，但對Kuma 醬來說真的很油膩，這三日兩夜不知要增加多少脂肪了。

客房WIFI:
客房WIFI 接收良好，很順暢，基本上煲劇都唔會窒。大堂設有免費WIFI，吃早餐的位置亦有，但中國還真的禁了很多網站…

執房服務:
有

然後來看看酒店的設施…

設有辦公桌，辦公桌有LAN 線，試過，唔慢的。

洗手間有一千零一卷廁紙，仲要唔係fully 一卷，搞到幾乎晚晚都要打電話求救…

淋浴間同洗手間共用一道門，每次沖完涼一開門，旁邊個洗手間就會濕哂… 而且得一道門的話，沖涼果個用左道門旁邊嘅洗手間就算有人要辦大事都無得閂門… 然後你就會領教到咩係「香氣四溢」喇！

這個洗手盆還真的說一下，不太會用去水的塞，還要特意打去櫃位問怎麼用… 超糗！

Bathing set… 超愛佢支沐浴露，薄荷味加上… 清爽‼ 但佢嘅洗頭水護髮素用完之後d 頭髮乾到我朝朝都生意失敗咁出門… 當然呢d 係見人見智啦~~

後記:

這間酒店真的算不錯，最少… 感官上乾淨，無明顯污跡無異味，大陸酒店來說… 可接受… 但若然可以比我再揀，我會情願花多少少錢，住遠兩三個街口。呢間酒店始終比較唔方便，住過d 起碼附近有巴士站，又可以一落樓就有飯食，一落樓就可以行海傍… 而家呢個位置，其實去邊都有d 距離，亦都唔近車站…

[珠海+澳門] 復活節三日兩夜行程表

[珠海+澳門] 復活節三日兩夜行程表
(2015.04.05 ~ 2015.04.07)

Day 1 - 蘭州牛肉拉麵，情侶路，珠海漁女，龍水山大長今

Day 2 - 野狸島→ 肉骨茶 → 揚名廣場(AEON) → 華爾街餐廳 → 茂業百貨

Day 3 - 茂業百貨+對面小商場 → 拱北口岸 → 澳門威尼斯人度假村酒店自助餐

[珠海] 蘭州牛肉拉麵

首先… 若果大家對國內食物有嚴重潔癖嘅，可以省略唔駛睇呢篇，因為佢絕對係平民飯堂，平… 但未必真係咁乾淨…

最近北上真係諸事不順，除左飛機delay 之外，連搭船都竟然可以delay… 去到珠海間酒店check in 左之後就快快手手響附近揾間食肆食野…

蘭州正宗牛肉麵位於日東家居旁邊嘅屋苑，客人普遍係住響附近嘅住客… 所以價錢都比較平少少… 望下佢嘅店面先… 呃... 張相夜晚經過先補影....

餐廳標榜回族風味，所以店內一律唔可以食豬肉同食煙，連廚師亦都係新疆人黎~~~ 店入面都有唔少食物可以選擇，店員普遍普通話比較強(其實只係見到一個店員)，所以唔識講都仲可以睇圖手指指.....

呢度嘅拉麵係真係人手拉出黎，所以每一round 個份量都唔多，我地點左呢幾樣野食…

紅燒牛肉麵

望樣就知有少少辣，配料好多… 可惜係我完全唔食嘅紅椒同青椒，椒味極重… 但湯底幾甜，牛肉細粒但唔多… 簡單黎講成碗除左麵同牛肉碎之外，其他都唔多合我口味…

牛肉拉麵

相比之下，牛肉拉麵嘅湯有好濃嘅牛肉味，上面嘅牛肉亦比較多同大塊，正！

牛肉水餃

牛肉水餃有湯餃同蒸餃，因為兩個都係湯麵的關係，我地揀左蒸餃… 呢個蒸餃實在唔錯，只係$12，但肉味超濃，入面嘅餡亦好多汁，值得推介！

但感覺上佢都有落味精… 所以汽水真係唔少得…

重點係！！！ 重點係！！！ 重點係到最後叫左三樣野食再加兩枝汽水，埋單都係人民幣37 蚊咋！！！