知道往Everland 的地鐵線已經開始啟用，特意選搭地鐵前往Everland，但這一程車真是絕對絕對絕對的慢....
這天早上大概九時多便出發了，沿著地鐵一直的搭.... 到竹田站時，突然全車的燈熄了，然後全部人給趕出車箱，要等下一班車。竹田站是一個比較像是身處郊外的站，車站不是密封的，天氣涼的時候風吹過來真係特別冷。下車等了差不多十分鐘，終於有下一班車到來.... 整整搭了近三個小時，終於來到了器興站的龍仁興電鐵。
同其他地鐵線唔同，龍仁興電鐵唔係首爾地鐵線之一，所以係要出左閘，再去另一個車站度搭.... 千祈唔好諗住呢架車就同香港去迪士尼的列車一樣，可以搭一個站就到，原來中間仲有好多個站，剩呢架車，都足足要搭半個鐘....
落左車出左去之後就係通往去Everland 接駁巴士的車站.... 對! 仲要轉多程巴士.... 等我傻更更的以為一落車就到Everland，點知落車之後荒蕪到我以為我去錯地方
結果，入到場，買埋飛，第一批相響11:59am 先開始影...
Everland 正值鬱金香節，場內有大量鬱金香，靚呀!
花景之下，又點可以唔影返張靚張..... 哎呀，唔記得望鏡頭tim...
玫瑰園因為仲整理緊，仍然係光禿禿咁....
太遲入園關係，第一時間食左個lunch 先，樂園入面有好多餐廳，但每一間可以比你選擇的食物有限，大概只得三四個餐，人多的話，要迎合每個人的口味真的不易.... 到最後選了家韓國餐廳，食辣豆腐鍋..... 其實呢個係二人餐，一鍋湯，一個肉餅配兩碗飯.... 15,000won，絕對是合理價錢
然後... 我承認仍然有點殘忍，但... 人應該在保護籠內看動物，而不是動物給困在籠內讓人看....
 |
| 兇猛的... 獅子媽媽 |
 |
| 為食熊仔 |
 |
| 袋鼠仔 |
仲有一定要坐下呢個....
當然啦，仲有其他野玩，不過因為好多年已經去過一次Everland，所以今次主要都係影下相，更新下我d wall paper 圖...
當然唔少得7:20pm 果場音樂噴泉show 同8:00pm 花車巡遊表演....
完show 之後，決定都係搭返巴士出市區.... 出左樂園，一直向前行，就會見到去停車場同地鐵站&巴士站的接駁巴士.... 見返地鐵站天橋就落車，然後向左面行返去巴士站....
選擇搭呢架巴士....
 |
| 請依合理次序解讀呢三張巴士線路圖... |
巴士大約行左一個鐘就到，司機手車簡直搖過坐船，只得企位的情況下，扶手捉穩亦站不穩..... 本身諗住江南站係大站多野食，點知落左車之後發現附近都係cafe 同酒吧，結果都係返新村食晚餐....
是日仍然是春川炒辣雞，因為仍然開門，亦都要補償一下之前一日食到唔湯唔水的感覺.....
完整兩份肉加蔬菜
終於有芝士同食剩少少的麵
除左麵之外仲有飯
餐牌
呢個係....
치즈닭갈비 芝士雞肉 x 2
오듬사리 綜合蔬菜(配麵) x1
비빙공기밥 炒飯
Perfect day!